Versión musical de Avento producións dun dos máis fermosos contos de “As mil e unha noites” ambientada nun Oriente máxico e suxerinte. Posúe a forza, a vitalidade e o atractivo dunha historia exemplar onde os valores interiores das persoas importan máis que as súas aparencias. De esta forma resalta a importancia da autoestima; “A imaxe inflúe pero o verdadeiramente importante e ser ti mesmo”. Aladino é un bo rapaz que fai pequenos traballos para os mercadores de Agrabah co fin de conseguir unas moedas coas que mercar algo para comer. Pero os rumores sobre o seu bo corazón chaman a atención de Jafar, o malvado visir real, que utilizará os seus enganos para obrigalo a roubar a lámpada máxica da cova das marabillas. Por outra banda, no palacio, o sultán trata de atopar un bo príncipe co que casar a súa filla, sen o consentimento desta. Dous rapaces que viven realidades moi diferentes pero semellantes á vez e que, sen sabelo, necesitáranse mutuamente.
Hansel e Gretel
Lorem ipsum dolor sit amet consectetur.
Espectáculo musical dirixido a público familiar. Tomando como base o conto dos irmáns Grimm faise unha satírica crítica ao capitalismo, o consumo excesivo de bens innecesarios, e o poder da banca. Diferentes niveis delectura para rapaces e para adultos.
O mago de Oz
Dorothy, espantallo, homelata e león no camiño de baldosas amarelas.
Versión musical do clásico conto escrito por L. Frank Baum. Unha lectura diferente á presentada na versión cinematográfica. Con música e cancións orixinais.
Ummm!
Unha comedia para chupar os dedos.
Un espectáculo dirixido a nenas e nenos entre 3 e 7 anos. Cancións, bailes e cores arroupan unha historia sobre as diferencias, a autenticidade e o valor de traballar en equipo para aprender a ver o mundo cos ollos do outro.
Polo meu aniversario: Superpoderes!
Teatro texual para nenas e nenos entre 7 e 12 anos.
Espectáculo textual que crea, a través da palabra, imaxes e situacións extraordinarias propias de outros medios como o cinema. Un xeito de estimular a imaxinación dos pequenos espectadores e animalos a descubrir outros mundos a través da lectura.
Tres rapaces ven o seu mundo cambiar cando o dia que fan trece anos descobren que posúen superpoderes.
Como sobrevivir a unha apocalipse zombi
Comedia participativa para público adulto.
COMO SOBREVIVIR A UNHA APOCALIPSE ZOMBI
A versión do aclamado éxito no Reino Unido do espectáculo "How to Survive a Zombie Apocalypse" visita por primeira vez a península Ibérica. Despois de obter diferente premios, entre eles o Best Comedy Show – Buxton Fringe 2010 e o Best International Show – Hollywood Fringe – 2011, os expertos en zombiloxía da Escola de Supervivencia do Dr. Chamorro escollen Vigo como punto de partida para impartir o seu coaching.
O espectáculo recrea unha divertida clase interactiva coa audiencia na que os profesores poñen a proba os coñecementos do público sobre o mundo zombi.
O director da Escola de Supervivencia, o Dr. Chamorro en persoa, axudado polo seu profesional equipo de especialistas, impartirá a clase maxistral na que non só ensinarán aos asistentes as técnicas adecuadas para sobrevivir á apocalipse, senón que tamén descubrirán que grupo de espectadores é o mellor preparado para o enfrontamento cos zombis.
.
Laranxus 7
Teatro de títeres para público familiar
Verde é un extraterrestre que habita o planeta Laranxus 7. Leva unha vida do mais monótona e aburrida, só e sen ninguén con quen xogar.Cando o seu planeta é colonizado por uns malvados e horribles invasores, Verde, o noso protagonista, embárcase nunha fantástica viaxe na procura de axuda. A súa odisea levarao a coñecer distintas razas e lugares do universo que acabaran por cambiarlle a súa visión do mundo e a
descubrir o verdadeiro valor da amizade.
